فضيحه

 ✍️ بالمناسبة ...

❎- بمناسبة الفضيحة اللي حصلت اليوم في معسكر لمنتخب مصر الشباب  مع اللاعب "نور الدين البحّار" لاعب اتحاد جده السعودي اللي قرر يفضح مخطط الأهلي بخطف لاعب من فريقه عن طريق" الشيطان التعاقدات في الأهلي" اللي مش عاوز يتعلم  ولا بيعرف يحترم الانديه لذلك كل علاقات الأهلي مع الأندية داخل وخارج مصر زي الزفت بسبب الأسلوب القذر ده ...

❎- مش جديد عليهم الكلام ده أبدا ومش جديد عليهم الزن علي اللاعبين وخطفهم من الأندية اللي عمله النهاردة امير توفيق نفس اللي حصل مع كهربا بس الفرق أن نور الدين لاعب راجل وصاحب مبدأ  مش نفسه ضعيفه زي كهربا كده ...

 

❎ - امير توفيق اللي حضر كهربا وقاله "مترحش التمرين خالص ولا ترد علي حد وأنا هخلصك "النتيجة كانت أن كهربا لبس في الحيط لوحده واتدمر مستقبله واتحول من افضل لاعب في مصر في الزمالك للاعب منتهي ني ني مع الأهلي حراق بيقصف جبهات ...

❎ - النهاردة وبعد أكثر من 20 سنة المشهد بيتكرر واللاعب بيشتكي من ضغوط مدير تعاقدات الأهلي اللي اقتحم معسكر المنتخب علشان يمضي لاعب ومن كتر الضغط والزن اللاعب "أمضي معانا وانا هخلص مشكلتك مع النادي السعودي"  متفهمش هو حل كام ازمه قبل كده ولا وقف مع اللاعبين امتي هو ماشي بسياسة أخطف واجري وبس ...

❎ - اللاعب قرر يتواصل مع ناديه ويطالبهم  بفتح التحقيق في الوقعه مع اتحاد الكرة المصري وحمايته من أمير توفيق والنادي كان رده علي اللاعب سيب المعسكر ومشي وده مش جديد وحصل قبل كده ...

✍️ وكأن التاريخ يعيد نفسه وما حدث البوم ليس وليد الصدفه

❎ - في عام 2001 لما كان منتخب الشباب بيلعب في كاس العالم وحصلنا علي الميدالية البورونزيه بالجيل العظيم بقيادة الكابتن شوقي غريب ...

- "محمد عبد الواحد"كان  أبرز اللاعبين الصاعدين وقتها  قدم أداء رائع وخطف الأنظار واشغل الصراع بين الزمالـك والاهلي ...

❎ - وقتها كلف الأهلي المدعو "عدلي القيعي" بالتفاوض مع خماسي منتخب الشباب (حسين امين - ابو المجد مصطفى - رضا شحاتة - احمد ابو مسلم  - محمد عبد الواحد) وجلس مع كل للاعب بشكل منفرد والوحيد الذي رفض ذلك هو عبد الواحد ...

❎ - القيعي قرر يضغط علي النادي وعلي اللاعب وعرض مبلغ خيالي علي "حسن فريد" رئيس النادي اللي وافق مبدئياً علي إنتقال اللاعب ...

 

❎ - رئيس النادي الاهلاوي ضغط علي عبد الواحد علشان يلعب للأهلي ويا تلاعب للأهلي يا بلاش وقتها ترك اللاعب النادي وانقطع عن التدريبات لمدة طويلة لأنه رفض أن يكون مجرد سلعه ...

❎ - رئيس النادي كلف محمد  "محمد ابو تريكه" كابتن الترسانة وقتها بالسفر للمنوفيه من أجل إقناع عبد الواحد بالعودة للتدريبات 

وقتها أبلغه بأنه لا يريد اللعب للأهلي وسيلعب لنادي الزمالك ... 

✍️ - مرتضي منصور نجح في حسم الصفقه بعد أن علم موقف اللاعب ذهب للتفاوض مع الإدارة مباشرتا ولكن كان هناك مبالغة من حسن فريد في المقابل المادي وبعد مفاوضات طويله نجحنا في حسم الصفقه وأصبح عبد الواحد لاعباً في نادي الزمالــــك غصب عن الأهلي وعن مدير التعاقدات الذي لم يحترم رغبة اللاعب وظن أنه قادر علي شراء الشخص بالمال ...

❎ - ده سياسة تعامل ثابته يا جماعه الأهلي طول عمره كده مهما تغيرات الاسماء ورحل القيعي أو جاء أمير توفيق في سيستم هما ماشين عليه  أخطف واسرق اي حاجه مش حقك وبعدها قول الأهلي نجح في التعاقد مع اللاعب اللي كان حلمه ينضم للاهلي

❎ - معسكرات المنتخبات مفتوحة ليهم  والوزير شاهد مشفاش حاجه وهما متمرسين جدا  في إرهاب اللاعبين وتشتيتهم وتحريضهم علي أنديتهم وكسر القوانين الأهم اني ابقي جامد ومدير تعاقدات ناجح في نظر جمهور متعجرف تكلمه تقوله ينفع كده  يقولك ماحنا معانا فلوس هع هع هع هع ...

✍️ - طب لو اتفاوضت مع لاعب عندهم في المهله المحدده أو المسموح بيها  قانونيا...يانهار ازرق الدنيا تقوم ولا تقعد واللاعب يجهش بالبكاء وتبقي سنه سوده ويفضلوا في حرب ضده هما واعلامهم لحد ما يموت اصلا مش يبطل كرة بس  ...

وتكلمهم يقولوا هي ده مبادئ وقيم النادي الاهلي والجنيه في الأهلي بعشره بره ... 😃❎🦅